Zzwaǧ / arcal / tissulya (#15317)

A Sidi Ṛebbi-inu, a Sidi Ṛebbi-inu, sin n yitran-agi imnewwren, deg leḥmala-k i mzawaǧen, ddukklen i leqdic n umnar-inek iqedsen, nnejmaɛen akken ad ilin d imalalen i Taluft-ik. Ad yili zzwaǧ-agi d tafat n ṛṛeḥma-k tameqqrant, a Sidi Ṛebbi-inu, a win yeččuṛen d ṛṛeḥma! Ad yecbu iẓenẓaren  n tafat i d-yekkan si tnufa-inek, ay Asaxi Ameqqran, a win yettmuddun i lebda! Ad d-ffɣen ifurkan seg useklu-agi icebḥen, ad uɣalen d izegzawen, ad ǧǧuǧǧgen  s tikci-inek i d-iɣellin seg usigna n ṛṛeḥma-k ! 
S tidett, d kečč i d Asaxi. S tidett, d kečč i d Anezmar Ameqqran. 
S tidett, d kečč i d Amellay, win yeččuren d rreḥma.

-`Abdu'l-Bahá
-----------------------

